BUTUAN CITY -Subay sa paningkamot nga mapalig-on ang inter-unit coordination ug ma-promote ang collaborative leadership, padayon ang pag-courtesy call sa commanding Officer sa 4th Civil Military Operations ‘Kasaligan Battalion ngadto sa ilang mga stakeholders nga sakop sa ilang area of responsibility.
Sa eksklusibong pakighinabi sa Bombo Radyo Butuan, gipadayag ni LCol Tony Bugawan, commander sa 4th Civil Military Operations ‘Kasaligan Battalion, Philippine Army, uban sa Deputy Regiment Commander sa Civil-Military Operations Regiment kon CMOR, nga padayon ang ilang pagpalig-on sa koordinasyon, pag-synchronize sa mga operational efforts, ug pagpakusog pa sa civil-military operations initiatives isip suport sa misyon sa brigada arin mulahutay ang kalinaw, seguridad ug kalambuan sulod sa ilang area of responsibility.
Apil sa ilang gihingusgan ang pagpakusog sa information dissemination ngadto sa kabatan-unan diha sa mga tunghaan sa mga kinahanglang buhaton aron maprotektahan ang atong komunidad ug ang kinatibuk-ang nasud.
Apil usab sa ilang gitutukan ang mga external threats sama sa padayong pagpang-harass sa China sa mga Pilipino ug kasundaluhang Pinoy sa West Philippine Sea.
Usa kini sa gipatutukan kanila sa ilang mga labaw aron ipasabot ngadto sa kabatan-unan ang kamahinungdanon nga maprotektahan ang maong parte sa kadagatan ug sa tibuok nasud.
Panahon na matud pa aron ipakita sa tanang mga Pilipino ang pagka-nationalistic ug pagka-patriotic.
