BUTUAN CITY- Gihupay sa Department of Trade and Industry (DTI) ang kabalaka sa publiko kalabot sa posibleng paglihok sa presyo sa mga palaliton.
Kinibtaliwa sa gilaomang pagsaka sa presyo sa lana sa sunod simana nunot sa bag-ong tensiyon tali sa US ug Iran.
Sumala ni DTI Secretary Cristina Roque, walay mahimomg pagsaka sa presyo sa basic commodities ug prime commodities sa kasamtangan.
Matud pa niini, walay mga petisyon gikan sa manufacturers alang sa price adjustments.
Gipadayag usab sa Secretary nga lisod mag-especulate sa pagakakaron hinungdan nga mas maayo matud pa nga huwaton na lang ang mahimong development kalabot niini.
Kahinumdomang niadtong unang mingbusikad ang panagbangi tali sa Iran ug Amerika, mingresulta kini og pagsipa sa mga presyo sa lana human sa mga pag-atake ug closure sa Strait of Hormuz kinsa kritikal nga agi-anan sa mga barkong nagdala og lana. Nasinati ang epekto niini sa mga gipangbyahe nga produkto hinungdan nga gikabalak-an na usab ang pagsipa sa presyo sa mga palaliton sa bag-ong tensiyon sa Middle East.
