-- ADVERTISEMENT --
BUTUAN CITY- Misaka ang Philippine Stock Exchange index (PSEi) og 0.74 porsyento ngadto sa 6,302.50 puntos niadtong Miyerkules tungod sa pagbalik sa buying interest sa mga mamumuhunan human sa duha ka sunod-sunod nga adlaw sa pag-ubos sa merkado.
Sumala sa mga analista, ang bargain hunting sa mga blue-chip stocks ug ang mas positibong sentiment sa global markets maoy nakapalig-on sa lokal nga stock market, bisan pa sa nipis nga trading volume.
Samtang, misaka usab ang bili sa piso batok sa US dollar ug nagsira sa P61.68 matag dolyar gikan sa P61.71 sa miaging adlaw, kansa nagpakita sa gamay’ng paglig-on sa lokal nga salapi taliwala sa mas aktibong pagpamaligya sa foreign exchange market.
