BUTUAN CITY- Mainitong gisugat sa Pilipinas ang Filipina tennis sensation nga si Alex Eala pag-abot niini sa Ninoy Aquino International Airport kon NAIA Terminal 3 human sa iyang makasaysayang kampanya sa Wimbledon.
Human makasulod sa Round of 16 ug makabutang og daghang rekord alang sa Philippine tennis, mingbalik si Eala sa nasud alang sa mubo nga homecoming tour aron makigkita sa iyang mga fans sa nagkadaiyang mga kalihokan adiser kini mobiyahe sa Estados Unidos alang sa hardcourt season padulong sa US Open.
Gilauman usab nga mosaka si Eala sa career-best nga World No. 28 sa bag-ong WTA rankings, human sa iyang impresibong performance sa grass-court season diin napildi niya ang pipila sa mga top-ranked nga mga player sa kalibutan ug nakadugang pa sa iyang nagkadakong dungog isip usa sa labing mosidlak nga bituon sa internasyonal nga tennis.
