BUTUAN CITY – Gisiguro sa Quezon City Health Office nga walay angay kabalak-an sa pagtaas sa kaso sa COVID-19 sa siyudad bisan pa sa pagsaka sa mga kaso sulod sa miaging duha ka semana.
Sumala sa City Epidemiology and Surveillance Division sa Quezon City Health Office, gikan sa 23 nga kaso misaka ngadto sa 84 ang kumpirmadong na-infect sulod lang sa duha ka semana— kansa bugti sa kapin 200% nga pagsaka.
Sa kinatibuk-an, mi-abot na sa 146 ang mga kasong natala sa siyudad ning tuiga.
Gidugang pa sa opisyal nga ang pagtaas sa kaso dapat tan-awon isip pahimangno sa publiko nga magpadayon sa pag-amping, tungod kay nagpadayon gihapon ang pagkaylap sa virus nga SARS-CoV-2.
Ang labing daghang kaso natala sa District 4 ug District 1 sa siyudad apan wala kini nagpasabot nga adunay localized cluster outbreak sa maong mga lugar.
Kadaghanan sa mga kaso mild lang, ug posible nga mas daghan pa ang na-infect apan wala pa matino tungod kay wala sila nagpacheck-up.
Nagpahimangno ang mga eksperto nga panahon sa ting-ulan kasagaran mosaka usab ang mga influenza-like illnesses, rason nga angayang ipadayon nga pag-amping sama sa kanunay nga paghugas sa kamot ug pagsul-ob og face mask kung adunay sintomas.
