BUTUAN CITY – Hingpit nang nakabalik sa nasud ang 24 ka mga Pilipino nga nabilanggo sa Irkutsk, Siberia, sakop sa Russia human sila gibuhian gikan sa siyam ka bulan nga pagkabilanggo tungod sa immigration issues.
Mugna kini sa dili kompleto nila nga mga employment documents human matud pa nabiktima sa illegal recruitment schemes. Ang ilang pagbuhi bunga sa pag-apela ni Pangulong Ferdinand Marcos Jr. kang Russian President Vladimir Putin atol sa sideline sa Association of Southeast Asian Nations kon ASEAN-Russia Commemorative Summit sa Kazan, Russia.
Wala sila gi-charge og bisan unsang kasong kriminal apan gitanggong sila sa detention center.
Gikan sa Krasnoyarsk, Russia mibiyahe sila agi sa Bangkok, Thailand dayon sa Manila kondiin ang unagn batch nga unom ka buok mi-abot pasado alas-11:40 kagabii samtang ang nahabiling 18, mi-abot kaganinang alas-4:00 sa kaadlawon kondiin gisugat sila ni Department of Foreign Affairs kon DFA Secretary Ma. Theresa Lazaro ug uban pang opisyal sa gobyerno.
