BUTUAN CITY- Nanawagan ang Department of Health (DOH) sa publiko nga magmatngon batok sa mga sakit nga kasagarang motaas ang kaso panahon sa tig-ulan, lakip na ang water-borne diseases, influenza-like illnesses, leptospirosis, ug dengue nga giilang “W.I.L.D.” diseases.
Sumala ni DOH spokesperson Assistant Secretary Albert Domingo, nga ang mga molusong sa baha kinahanglan magpakonsulta gilayon sa health center aron malikayan ang komplikasyon, samtang gipalig-on usab ang kampanya nga “4Ts” o ang Taob, Taktak, Tuyo, ug Takip batok dengue aron malikayan ang pagkuyanap sa lamok nga nagdala og sakit.
Base sa datos, 50,727 ka kaso sa dengue ang natala gikan Enero hangtod Mayo 2026 — mas ubos og 56% kumpara sa miaging tuig. Gipahimangnoan usab ang publiko nga magdala og payong, raincoat o botas, ug siguruhon nga limpyo ug luwas ang tubig nga ginainom.
