BUTUAN CITY – Nabu-ak sa usa ka student-athlete gikan sa Region IV-A ang daang record alang sa 400-meter hurdles sa nagpadayong Palarong Pambansa 2026.
Kini human natala ni Loraine Audrey Batalla ang finish time nga 56.12-segundos rason nga iyang na-ukasan ang daang oras nga 56.30-segundos nga gikan gihapon sa maong rehiyon nga na-ila usab nga CALABARZON kon Calamba, Laguna, Batangas, Rizal ug Quezon.
Sa eksklusibong pakighinabi sa Bombo Radyo Philippines, gipadayag ni Batalla nga bisan siya nakuratan sa nakuha niyang gold medal tungod kay ang goal lang niya nga makatapos siya sa iyang event nga maayo ang dagan tungod kay duna pa siya’y laing mga events nga apilan.
Samtang gipadayag usab sa iyang coach nga si York Tamayo, nahisgutan nila sa training nga target nilang buk-on ang rekord kansa malampuson nilang nakab-ot.
