BUTUAN CITY – Malampusong nadepensahan ni Jhul Ian Cañalita nga taga-Brgy Tabuan, Garcia Hernandez, Bohol ang iyang record sa 5000 meter run secondary boys human subling nasakmit ang medalyang bulawan kagabii sa nagpadayong Palaru Tu AgSur 2026 human nakatala og bag-ong finish time nga 15-minutos and 14-segundos .
Sa eksklusibong pakighinabi sa Bombo Radyo Philippines, gipadayag sa Bol-anon runner nga dako ang iyang kalipay nga subli niyang nakuha ang medalyang bulawan rason nga back-to-back kini nga kada-ugan human niya nasakmit ang unang bulawan ning mi-aging tuig alang sa Central Visayas Region sa gikusgong 15-minutos ug 16-segundos.
Nasayrang niadtong Palarong Pambansa 2024 nga gipahigayon sa Cebu City, naka-silver finish siya sa 3000 meter run ug tuma niyang kalipay tungod kay karong katapusan na niyang salmot sa maong national sporting event karong tuiga, ug nakuha gihapon niya ang bulawang medalya.
Target niyang makatapos sa pagtungha ug maka-apil na sa mga national events sa iyang pag-college.
Gibutyag usab niini, nga walay hunong ang iyang pagbansay sulod sa usa ka tuig human ma-angkon ang 2 ka bulawang medalya ug 2 ka record sa miaging tuig. Sumala niini, alas-4:00 palang nagsugod na kini sa pagbansay hangtud sa alas 6 sa buntag adiser magsugod ang klase.
Gipa-ambit usab ni Cañalita, nga nagsugod kini pag-training niadtong Grade 3 pa siya ug wala siya magdahom nga ilhon na siya isip usa sa mga preoising long distance runners sa Central Visayas.
