BUTUAN CITY – Dungan sa graduation sa Philippine Military Academy (PMA) “Talang Dangal” Class of 2026 sa Fort Del Pilar, Baguio City, nanawagan si Vice President Sara Duterte sa mga bag-ong opisyal nga ipabilin ang integridad ug kaisog sa ilang serbisyo.
Gibutyag niini nga ang ilang pagbansay naghatag og pundasyon sa disiplina ug sakripisyo nga dapat nilang gamiton sa pagdepensa sa nasud.
Gi-awhag usab ang mga kadete nga mahimong maayong ehemplo sa dungog ug dignidad, ug magpabiling lig-on atubangan sa bisan unsang hulga sa soberanya sa Pilipinas.
Nagpasalamat usab siya sa ilang pagpili sa dalan sa serbisyong militar nga iyang gihulagway nga dungganon ug naka-focus sa kaayohan sa mga Pilipino.
Dugang pa ni Duterte, ang ilang serbisyo maoy pamatuod sa determinasyon sa pagdepensa sa nasud ug pagpanalipod sa kagawasan sa katawhan.
Sa katapusan, iyang gitimbaya ang mga mitapos ug ilang mga pamilya isip kabahin sa bag-ong henerasyon sa mga tigpanalipod sa nasud.
Sa kabahinan usab ni Pangulong Ferdinand Marcos jr, naghatag kini og mensahe mga kadete nga ang ilang kamaunongon nakabase sa konsitusyon og dili sa pulitika, indibidwal og idolohiya.
