BUTUAN CITY – Gipamatud-an sa 90-anyos nga lola sa Ohio, USA nga dili babag ang katigulang human siya gipasidunggan og world record title nga pinakatigulang nga tawong nagkumbitay sa pull-up bar sa mga babaye.
Giila sa Guinness World Records ang kalampusan ni Ann Crile Esselstyn human niya nakayang magkumpayot sa usa ka pull-up bar ug alsahon ang iyang kabug-at sulod sa 2 ka minutos og 52 segundos.
Ang dead hang usa ka simpleng ehersisyo nga pagkumbitay sa usa ka pull-up bar.
Gipildi niya ang kanhe record nga gihawiran sa usa ka 81-anyos nga lola niadtong 2024.
Nagsugod sa pagsulay si Ann ang pag-ehersisyo sa dead hang isip simpleng hagit gikan sa iyang anak nga lalaki.
Pinaagi sa padayon ug pagbansay kada adlaw, inanay nga nakusgan ang iyang mga kamot og lawas. Sumala ni Ann, ang iyang secret technique sa pagbaton og kusgan nga lawas mao ang walay hunong nga paglihok-lihok og pag-ehersisyo.
