BUTUAN CITY – Gipahayag sa 30th Infantry Battalion Philippine Army nga dili sila kumbinsido nga ang New People’s Army (NPA), maoy responsable sa pag-pangsunog sa mga ekipo sa Barangay Danao, Surigao City.
Sigon ni Capt. Ian Lemuel Lalata, Acting Executive Officer sa 30IB, wala nila nakita nga rebelde ang mihimo sa pagsunod dayung pamugos nga insurgency free na ang Surigao del Norte samtang wala usab silay kapasidad sa mga kasong arson ug extortion.
Gipasabot pa sa opisyal nga kinahanglan pa ang mas lawom nga imbestigasyon aron masayran ang tinuod nga hinungdan sa pagpanunog.
Sumala ni Capt. Lalata nga posibleng dunay laing grupo o indibidwal nga nalambigit sa pag pangsunog rasong ilang gi-awhag ang publiko nga magpabiling alerto ug magtinabangay sa mga otoridad pinaagi sa paghatag og tukmang impormasyon.
Mahinumdumang 5 ka mga ekwepo ang gisunog diin 3 niini ang totally damaged samtang 2 ang partially damaged.
