BUTUAN CITY – Hugot nga gibarugan ni Jeffrey ‘Ka Eric’ Celis, secretary general sa Bangon Sambayanan, nga dili ang armadong kusog sa nasud ang angayang sukton sa mga grupong nangita kunuhay og hustisya sa nadangatan sa 19 ka mga napatay’ng rebeldeng New People’s Army.
Sa eksklusibong pakighinabi sa Bombo Radyo Butuan, gipadayag ni Celis nga angayang suktan niini mao kadtong mga grupong maoy hinungdan nga gipakusgan ang walhong kalihukan sa kabaryuhan ug kabukiran.
Kini ilabina nga ang narekober nga mga gamit panggiyera nakuha gikan mismo sa encounter site nga nagkalapok ug lisod ipasangil nga gitanom sa mga sundalo aron lang ipalabas nga mga rebelde gayod ang mga namatay.
Dili matud pa malimod nga nagtapok ang mga namatay sa nasangpit nga lugar alang sa anibersaryo niadtong Abril 24 kondiin natigayon ang engkwentro sa Abril 19.
