BUTUAN CITY – Padayon nga misikad sapedal og walay planong mohunong ang 69-anyos nga lola gikan sa California human niya masakmit ang Guinness World Record title nga pinakatigulang nga unicycle rider sa mga babaye.
Nailhan sa bansag nga “Unicycle Granny,” kapin lima ka dekada nang nagpasundayag si Linda Jarrett.
ang iyang pagkahilig sa unicycle niadtong siya 10-anyos pa lang, hangtud sa giregaluhan siya sa iyang amahan og higanteng unicycle nga dunay katas-ong 6 ka tiil niadtong 13-anyos siya.
Sukad niadto, misutoy na ang iyang karera sa pag-apil sa mga circus, pag-arte isip stunt double sa Hollywood, ug paghimo sa mga delikadong trapeze shows.
Nakuha niya ang titulo niadtong Disyembre 2025 sa dihang miagi siya sa entablado sakay sa usa ka duha ka tiil nga unicycle samtang nakasuot og clown costume para sa produksyon sa The Nutcracker.
Sumala ni Jarrett, dili sayun ang paggamit sa unicycle kumpara sa ordinaryong bisikleta tungod kay nanginahanglan kini og walay-hunong nga pagbalanse ug saktong puwersa gikan sa tiil og tiyan.
Bisan paman sa kakuyaw nga mabalian og bukog sa iyang edad, malipayon siyang nakapahiyom sa mga tawo ug plano pa niyang mohimo og bag-ong record pagtungtong niya sa ika- 70 nga adlaw’ng natawhan.
