BUTUAN CITY- Gipadayag ni Senator Imee Marcos ang iyang suporta sa pagpostpone sa 2026 Barangay ug Sangguniang Kabataan Elections (BSKE), dayong butyag nga mas maayu matud pa nga igahin ang pondo sa mas dali-ang panginahanglanon sa nasud.
Sumala ni Marcos, nga ang gibana-banang P16 bilyon nga budget alang sa election posibleng gamiton sa pagtubag sa krisis sa lana ug uban pang importante nga serbisyo alang sa mga Pilipino. Gipasiugda usab sa senadora nga mas inportante ang pagpadayon sa serbisyo sa barangay kumopara sa bisan unsang pamulitika, hilabina taliwa sa kasamtangang hagit sa ekonomiya. Kahinumdumang makapila ka higayon nang nalangan ang BSKE sa minglabay’ng mga katuigan.
Niadtong 2023, gipostpone kini gikan sa Disyembre ngadto sa Oktubre 2023, ug gitakda pag usab sa 2026. Ang mga sugyot nga pagpostpone kasagari nakabase sa panginahanglang pondo alang sa mas dalli-ang programa sa gobyerno. Samtang open usab matud ang Palasyo malakanyang sa posibleng mga suggestion sa maong postponement sa Barangay and Sk Election.
Sumala ni Palace Press Officer USec. Claire Castro, nahisgutan nga posibleng makatipid og P16 Billion alang niini ugaling dili madayon ang nasangpit nga election. Gani sigon pa niini nga open si President Ferdinand Marcos Jr. ug ang gobyerno sa mga suggestion nga makahatag og kaayohan sa nasud.
Sa kasamtangan, nagpabiling taas ang presyo sa lana ug uban pang nag-unang palaliton tungod sa panagbangi sa Middle East, hinungdan nga mas daghang magbabalaod ang mambabatas ang mingsugyot sa pag-realign sa pondo alng sa mga programang makatabang sa mga katawhan.
