BUTUAN CITY- Gipapaspasan sa Department of Energy (DOE) ang pagpatuman sa 22 ka renewable energy projects isip solusyon sa hulga sa krisis sa lana ug aron mapakusgan ang alternatibong tinubdan sa kuryente.
Sumala ni Usec. Claire Castro sa Presidential Communications Office, nga tumong sa pangamhanan nga makunhuran ang pagdepende sa nasud sa imported nga lana kansa kasagari nga ma-apektuhan sa presyo sa pangkalibotanong merkado.
Sa usa ka press briefing sa Iloilo City, saigon ni Castro nga lakip sa mga gipapaspasan nga proyekto sa DOE ang 12 ka solar, 6 ka hydroelectric, 2 ka biomass, usa ka wind project, ug 1 ka integrated renewable energy storage system.
Gihatagan og gibug-aton niini nga importante ang maong mga proyektong hilabi na panahon sa oil crisis, kung asa magusab-usab ang presyo sa produktong petrolyo nga posibleng makaapekto sa suplay sa kuryente ug galastuhon sa mga konsyumer.
Pinaagi sa pagpalapad sa renewable energy, gilaoman sa panggamhanan nga adunay mas lig-on, mas barato, at mas limpyo nga suplay sa enerhiya sa nasud. Dugang pa ni Castro, tumong usab niini nga maprotektahan ang ekonomiya batok sa epekto sa pangkalibotanong krisis sa lana.
