BUTUAN CITY – Subling mag-agbat ang Creamline ug Cignal para sa korona sa ikaduhang higayon human ang duha ka tuig.
Kini human gipildi sa Creamline ang Farm Fresh sa dula kagabii pinaagi ni Tots Carlos nga dunay 15 puntos og dunay tag-13 puntos sila Jema Galanza ug Pangs Panaga sa ilang ‘do-or-die’ semifinals match padulong sa 2026 Premier Volleyball League All-Filipino Conference Finals sa FilOil Centre sa San Juan City.
Gitapos sa Creamline ang single round-robin semifinals sa 2-1 para sa ilang ika-15 finals target ang pang-11 nga korona.
Nasayrang gisilhig sa Cool Smashers ang Cignal Super Spikers, 3-0, sa 2024 Invitationals nga maoy nahimong katapusang pagreyna sa tropa ni coach Sherwin Meneses.
Magsugod ang best-of-three championship series sa Cool Smashers ug Super Spikers sa Martes sa Smart Araneta Coliseum. Samtang mag-agbat para sa bronze ang Farm Fresh og PLDT.
