BUTUAN CITY – Nadugangan pa ang natalang napatay nga rebelding New People’s Army kon NPA human sa sunod-sunod nga engkuwentro bukirang parte sa Sitio Bulacan, Barangay Bolhoon, San Miguel, Surigao del Sur.
Sigon ni Col. Glenn Joy Aynera, Acting Brigade Commander sa 401st Infantry “Unite N’ Fight” Brigade nga niadtong nakalabay nga adlaw mga bandang alas 12:00 sa udtu sa dihang unang natigayon ang engkuwentro batuk sa Regional Operations Command sa North Eastern Mindanao Committee, nga gipangunahan ni Edilberto Reponte Daval, o alyas “Ka Bong” o “Wako.
Misibat ang rebelding grupo og gibiyaan ang ilang usa ka kauban nga wala nay kinabuhi nga nailang si Alyas Ka Keroy samtang narekober ang 5 ka tag-as nga kalibre sa armas.
Gihimo gelayon ang hot pursuit operation og kaganinang buntag lang sa dihang subling naka-agbat sa tropa sa 75th Infantry “Marauder” Battalion og 3rd Special Forces Battalion ang maong grupo nga miresulta sa kamatayon sa duha ka rebelde.
Sa karun padayon pa ang paggukod sa mga misibat nga rebelde samtang gipanawagan nga mo-surender sa gobyerno.
Sigon ni Col. Glenn Joy Aynera nga maihap nalang sa tudlo ang nasangpit nga grupo kansa wala nay kapasidada nga mag-recruit og wala na usay nadawat nga suporta gikan sa masa.
Gane, natigayon ang impormasyon tungod sa pagsumbong sa mga residente sa ilang presensiya sa lugar.
Tungod niini, gipaneguro sa opisyal nga malinawon na ang ilang area of responsibility sa Agusan provinces, Surigao Del Sur og Surigao Del Norte.
