BUTUAN CITY – Kung mahilig ka og halang nga pagkaon, pamilyar ka na siguro sa epekto sa Capsaicin—ang natural nga kemikal nga makita sa sili nga maoy hinungdan sa kasakit ug kahalang sa atong dila.
Apan bisan unsa ka halang ang sili, layo ra kini sa natural nga compound nga nailhan sa tawo—ang Resiniferatoxin. Ang resiniferatoxin usa ka analogue sa capsaicin ug makita sa mga tanom sama sa Euphorbia resinifera sa Morocco ug Euphorbia poissonii sa Nigeria.
Kini nga mga tanom mura og cactus ug adunay kusgan kaayong depensa batok sa mga hayop nga gustong mokaon niini.
Sumala sa Scoville Scale, ang kahalang sa Pepper X moabot og 2.69 milyon, samtang ang capsaicin mu-abot sa 16 milyon, apan ang resiniferatoxin moabot og 16 bilyon kansa nagpasabot nga kini, mga 1,000 ka hiayong mas halang kaysa sa halang sa sili.
Pareho silang mu-aka-apekto sa TRPV1 receptor sa lawas, apan samtang ang capsaicin naghatag lang og temporaryong kasakit, ang resiniferatoxin mahimong makadaot sa nerve endings ug delikado kaayo bisan sa gamay lang nga pagtilaw.
Busa, bisan lingaw kaayo mokaon og halang nga pagkaon, importante nga masabtan nga ang kahalang sa sili layo pa gayud sa natural nga kahalang sa compound sa resiniferatoxin.
