BUTUAN CITY- Maglunsad karong Lunes ang lokal nga panggamhanan sa Cabadbaran City og libreng sakay nga eksklusibo alang sa mga residente sa siyudad. Nanawagan kini sa tanang rehistradong tricycle drivers ug operators nga mopartisipar sa programa, samtang giklaro nga dili maka-avail ang drayber kon gikan sa laing lungsod bisan pa og taga-Cabadbaran ang operator.
Gipasabot ni Roselyn Gangca Exaure, Spokesperson sa LGU, nga giya na sa Business Permits and Licensing Office nga kinahanglan lumad o residente sa siyudad ang drayber aron makadawat sa ayuda ug benepisyo. Gipahibalo usab nga abri ang BPLO alang sa magpalista sa libreng sakay, diin kapin sa 1,600 ka drayber ang nakatala.
Gipatin-aw nga bayaran gihapon ang serbisyo sa mga drayber, hatagan og libreng gasolina, ug apil bayran ang abang sa tricycle kon gi-rentahan. Ang programa usa ka joint-effort sa Congressional District Office ubos ni Dale B. Corvera, sa Provincial Government ubos ni Angel Amante-Matba, ug sa lokal nga panggamhanan sa Cabadbaran.
