BUTUAN CITY – Gipahayag sa Palasyo Malakanyang nga walay mahimong holiday break si Pangulong Ferdinand Marcos jr og ang mga nag-unang ahensiya sa gobyerno sa panahon sa Holy Week.
Sigon ni Pangulong Marcos jr nga magpalabay siya sa semana santa sa Ilocos Norte og mobalik gelayon sa Maynila sa weekend.
Gibutyag usab ni Palace Press Officer Undersecretary Claire Castro nga nagpabiling naka-duty ang pangulo 24/7 bisan pag-didto kini sa iyang hometown mag-semana santa.
Sigon ni Castro nga magpadayon sa pagtrabaho ang pangulo aron tutukan ang importanteng isyu sa sulod og gawas sa nasud lakip na ang nagtunhay nga krises sa Middle East.
Dili matud pa mamahimong moundang ang pangulo sa iyang katungdanan bisan og panahon sa bakasyon.
Dugang pa ni Castro nga bisan og sa pangulo ang iyang pamilya ning panahona, dili matud pa makonsidera ng bakasyon ang pagpabilin sa Ilocos Norte.
Gipaneguro usab sa opisyal ngadto sa publiko nga andam ang mga concerned government agency nga molihok gelayon ugaling mosamot pa ang negatibong epekto ang tensiyon sa middle east ilabina sa presyo sa produktong lana..
