BUTUAN CITY- Naka-full force na ang Bureau of Immigration (BI) karung nagkaduol na ang pagdagsa sa mga biyahero alang sa 2026 Semana Santa, kung asa liboan ka pasahero ang gilaomang mobyahe pauli sa ilang mga probinsya o aron magbakasyon.
Sumala sa BI, gibana-banang mo-abot sa 45,000 ka international departing passengers ang mo-agi matag-adlaw sa mga primary airport sa nasud panahon sa Holy Week exodus.
Sigon ni BI Commissioner Joel Anthony Viado, nga nagdugang na ang ahensya og mga frontline personnel ug support units aron masiguro ang hapsay ug paspas nga proseso sa mga airports.
Gipahimangnuan usab sa BI ang mga pasahero nga mo-abot sa airport sa dili mo-ubos tulo ka oras adiser ang flight aron malikayan ang kalangay.
Gawas niini, gipahimangnuan pag-usab sa ahensya ang publiko nga libre ang pagparehistro sa eTravel platform. Gipasiugda usab niini, nga ang mga website nga manukot ug nagpaka-aron ingnong opisyal nga eTravel site sa gobyerno, mga scammer o usa ka fraud site.
