BUTUAN CITY- mingmugna ang Kamara og 13 ka committee ubos sa diretiba ni House Speaker Faustino “Bojie” Dy III aron mo-porma og usa ka comprehensive package batok sa nasinating crisis sa presyo sa produktong petrolyo.
Sumala ni House Committee on Ways and Means Marikina 2nd District Representative Romero Quimbo, nga tumong sa maong lakang, aron adunay organisadong tubag ang nasud pinaagi sa duha ka estratehiya.
Gikatakda ang unang pormal nga hearing sa mga Committee sa April 8 aron dali nga makapasa og mga balaod nga makapaminos sa epekto sa kagubot sa Middle East ang mga Pilipino.
Sigon pa ni Quimbo, nga gipalapdan ni Speaker Dy sa 13 ka Committee nga mopukos sa Unified Legislative Response sa Ubos Balay-Balauranan.
Dugang pa sa Kongresista nga gusto ni Dy nga adunay organisadong lakang ang kongreso sa pakigtambayayong sa Economic Manager sa ehekutibo, inay magtinudloay kung si kinsa ang kinahanglan nga basulon sa natigayong krisis.
Bisan pa sa Congressional Break gikompirma ni Rep. Quimbo, nga magpadayon ang ilang trabaho ug kasamtangang minghimo og mga technicals meeting isip pagpangandam sa pormal nga hearing sa sunod simana.
Gipasiugda sa magbabalaod, nga bisan pa ang mga crisis resulta sa mga pwersang gawas sa nasud ug dili hinimo sa Pilipinas kinahanglan usab gihapon nga mangandam ang gobyerno aron dili ma-apetuhan ang ekonomiya higayong adunay panagbangi sa pangkalibutanong Merkado.
