Philippine men’s football team, andam na batuk sa Tajikistan

BUTUAN CITY – Andam na ang Philippine men’s football team sa ilang duwa batok sa Tajikistan para sa 2027 AFC Asian Cup Qualifiers.

Mag-atubang ang duha ka team karong gabii didto sa home ground sa Tajikistan.

Pareho nga adunay upat ka daog ug usa ka draw ang Pilipinas ug Tajikistan sa Group A.

Sumala sa coach sa Philippine men’s football team nga si Carles Cuadrat, kinahanglan gyud nila makakuha og tulo ka puntos aron maka-qualify sa sunod nga AFC Cup.

Sa ilang miaging panagbangga nga gihimo sa Clark, natapos ang duwa sa 2-2 nga draw.

Nagpahigayon usab og training camp ang men’s football team sa Pilipinas didto sa Turkey, ug kumpiyansa si Cuadrat nga malabwan sa mga Pinoy ang mga magdudula sa Tajikistan.