BUTUAN CITY- Plano sa grupong Kilusang Makabansang Ekonomiya (MKE) nga mohimo og usa ka “People’s Court” o hukumang bayan dungan sa posibleng impeachment trial ni Vice President Sara Duterte sa Senado.
Sumala ni Jaime Regalario, chairman sa MKE, nga tumong sa moang lakang nga adunay hugot nga pag-bantay ang publiko sa dagan sa ebidensya ug kamatuoran.
Target sa grupo nga himuon ang ilang kaugalingong hearing sulod mismo sa Senate compound ug plano nilang hangyuon si Senate President Tito Sotto alang sa puwesto niini.
Sigon ni Regalario, nga mokuha sila og mga kopya sa ebidensya gikan sa Senado aron hisgutan usab matud pa sa ilang forum kansa pagatuki-on sa nagkanda-iyang sektor ug mga retiradong mahistrado sama nila Chief Justice Maria Lourdes Sereno ug Reynato Puno.
Depensa sa grupo, dili kini usa ka “kangaroo court” kundi usa ka lehitimong pamaagi sa partisipasyon sa mga katawahan sa pagpangita og katubagan.
Matud pa, magsisilbi kining “balance” sa mahimong desisyon sa Senado ugaling dili kini mosakto sa kamatuorang ipagawas sa ilang kaugalingon imbestigasyon.
