-- ADVERTISEMENT --
BUTUAN CITY – Gibulgar sa usa ka Pilipinong giaresto tungod sa matud pa espionage nga gitahasan siyang maghatag og impormasyon mahitungod sa operasyon sa Philippine Navy ug Philippine Coast Guard sa West Philippine Sea, lakip na usab sa Balikatan Exercises.
Sumala sa suspek nga giilang si alyas “Danny,” usa siya sa tulo ka Pilipinong nag-atubang sa kasong espiya para sa China.
Una matud pa niyang gitoohan nga nakig-alayon siya sa usa ka American journalist, apan misangpot kini sa pagpangayu og sensitibong impormasyon.
Gi-imbestigahan pa sa mga awtoridad ang nasangpit nga kaso samtang padayon ang pagpahugot sa seguridad mahitungod sa mga aktibidad sa West Philippine Sea ug mga joint military exercises sa nasud.
