BUTUAN CITY- Gipakusgan sa City Business Permits and Licensing Department sa Butuan City ang hugot nga price monitoring kauban ang DTI, NFA ug DA aron masubay ang tinubdan sa mga produkto ug malikayan ang kalit nga pagsaka sa presyo taliwala sa tensyon sa Middle East ug global fuel crisis.
Sumala ni Atty. Moshi Ariel Cahoy, Head sa City Business Permits and Licensing Department, nga kasamtangang gipang-trace na nila ang mga sources sa supply aron masiguro nga dili mapahimuslan sa mga negosyante ang karaang stock nga napalit pa og barato aron malikayan ang kalit nga pagsaka sa presyo.
Samtang gipahimangnuan usab niini ang mga katawhan ug mga ahensya nga magtinabangay aron malikayan ang posibleng hoarding.
Gani gibutyag usab ni Atty. Cahoy, nga sa kasamtangan wala pay natala nga overpricing ang mga ahensya ug ang mga niini, subject for investigation pa, inay ang DTI adunay mga giya sa husto nga presyo.
Sigon pa ni Cahoy, nga monitor usab ang presyo sa bugas ug uban pang produkto sa DA ug NFA, ug kung mapamatud-an nga adunay kalapasan, posible nga ma-isyuhan ang mga tindahan og show cause order.
Dugang pa ni Atty. Cahoy, nga sa pagkakaron aduna nay 26 ka tindahan nga na-inspection sa team, diin 19 niini mao ang mga dagkong supermarket ug department store, samtang ang uban mao ang mga retailer sa bugas nga subject sa monitoring.
Gibutyag usab niini, nga sa bahin sa fuel, adunay 8 ka gasoline station nga giimbestigar sa Department of Energy kauban ang DTI, PNP ug lokal nga departamento sa syudad. Gani, adunay usa ka gas station na ang gi-isyuhan og show cause order tungod sa reklamo sa usa ka kostumer, ug gipaabot nga makahatag kini og klarong tubag sa sunod semana.
Ang city government naghulat sa rekomendasyon sa DOE kung unsa ang angay nga lakang ug tabang nga ihatag sa syudad. Matud pa usab ni Cahoy, nga sa mga tindahan sa basic goods andf commodities sama sa bugas, naghulat usab ang lokal nga panggamhanan sa consolidated report gikan sa tanang ahensya aron masiguro ang hustong presyo ug malikayan ang hoarding
