European leaders, gibalibaran si Trump sa hangyu nga tabangan silang mahimong luwas ang Strait of Hormuz

BUTUAN CITY – Gibalibaran sa mga lider sa Europe ang hangyu ni US President Donald Trump nga tabangan sila para mahimong luwas ang Strait of Hormuz.

Sa gihimong panagtigum sa European Union sa Brussels, gibutyag ni German Foreign Minister Johann Wadephul nga wala silay plano nga moapil ang ilang military sa kagubot sa Iran.

Dugang pa niini nga kinahanglan nila og pagklaro mahitungod sa nasangpit nga hisgutanan diin dili kini giyera nga ilang nasugdan.

Ang nasangpit nga pamahayag gisuportahan sa pipila ka mga miyembro sa North Atlantic Treaty Organization kon NATO member.

Mahinumdumang gihangyu ni Trump sa mga lider sa Europa nga ubanan sila para himoong luwas ang pag-agi sa mga barko sa Strait of Hormuz gikan sa pag-atake sa Iran.