BUTUAN CITY- Malipayon nga gipa-ambit sa celebrity couple nga sila Ronnie Alonte ug Loisa Andalio ang pag-abot sa ilang unang anak nga babaye nga si Runi Lior, kansa gitawag og “Nili,” human gipadayag ni Ronnie sa social media niadtong Marso 12 nga nanganak na si Loisa.
Sa mga hulagway ug video nga gipaambit sa ilang pamilya ug suod nga higala online, makita ang emosyonal ug malipayong mga higayon sa bag-ong ginikanan samtang giatiman ang ilang bag-ong natawo nga anak, lakip ang mga hulagway sa inahan nga nagkupot sa bata ug sa amahan nga mapinanggaong naggakos niini.
Ang balita dayong gisubay sa daghang mensahe sa pagbati gikan sa fans ug mga kauban sa industriya, kansa nagtimaan sa bag-ong kapitulo sa kinabuhi sa dugay nang magkarelasyon ug bag-o lang usab nag-tied the knot ug karon nagdawat sa responsibilidad sa pagka-ginikanan.
