BUTUAN CITY – Kapin sa 1,000 ka Japanese military personnel ang mu-apil sa umalabot nga Balikatan Exercises karong tuiga.
Sumala ni Armed Forces of the Philippines (AFP) Deputy Chief of Staff for Plans MGen. Rommel Cordova, ang simulation karong tuiga usa sa pinakadako nga military exercises sa kasaysayan sa Balikatan diin dili lang Philippine ug US forces ang musalmot sa tibuok pagbansay.
Gawas sa Japanese soldiers, mokuyog usab ang gatusang military personnel gikan sa Australia, Canada, New Zealand, ug France samtang gipinalisar pa ang partisipasyon sa hangtod 18 pa ka ubang nasod ubos sa Balikatan International Observers Program.
Sa pagkakaron, nagpadayon na ang preparasyon samtang nagkadool ang military simulation nga himuon gikan Abril hangtod Mayo ning tuiga.
Madumdumang sa Balikatan niadtong 2025, hangtod 14,000 ka mga sundalo gikan sa Pilipinas, Amerika, Australia, ug Japan ang milambigit niini kondiin ang uban, nagsilbing mga observers.
Kini ang unang higayon nga mokuyog ang Japan sa dakong simulation human napirmahan ang Reciprocal Access Agreement (RAA) nga naghatag og dalan para sa mas daghang military cooperation tali niini ug sa Pilipinas.
