BUTUAN CITY- Mingsdaad ang Department of Labor and Employment (DOLE) og igo nga trabaho, tabang, ug livelihood sa mga trabahante sa Pilipinas nga posibleng ma-displace tungod sa epekto sa giyera sa Middle East.
Sa nahimong hearing sa Senate Committee on Foreign Relations ug Migrant Workers Committee kalabot sa epekto sa giyera, gi kwestyon ni committee chairman Sen. Erwin Tulfo kung adunay naka-andam nga plano ang DOLE higayong adunay magsira nga negosyo o mga magtang-tang og mga trabahante tungod sa pag-usbaw sa presyo sa petrolyo.
Tubag usab ni Labor Undersecretary Carmela Torres, nga aduna na matud pay naghulat nga trabaho sa Pilipinas samtang gita-aw usab nila ang tanang available nga posibleng i-tanyaf sa mga trabahante.
Sumala ni Torres, nga kinahanaglan usab nga masuta ang kategorya sa trabaho nga sudalan sa mga trabahante sama sa professional, skilled, ug uban pa, aron nga maha-om ang i-tanyag nga trabaho sa mag niini.
Andam usab matud pa ang livelihood ug emergency employment alang sa mga trabahante nga gusto lang og short term employment. Magtanyag usab ang DOLE skills training aron maha-om ang mga niini sa trabahong angay ug gusto nila nga trabaho-an.
Dihang gipangutana usab ang opisyal kalabot sa kung unsa ka daghang trabahante nga kayang i-accommodate sa DOLE, gisisguro niini nga adunay igong trabaho ug livelihood nga kayang i-tanyag sa gobyerno sa mga trabahante.
