-- ADVERTISEMENT --
BUTUAN CITY – Hugtanong gipanghimakak ni kanhi Senador Antonio Trillanes IV ang alegasyong midawat siya og $2 million gikan kang kanhi Ako Bicol Party-List Rep. Zaldy Co kalabot sa imbestigasyon sa International Criminal Court batuk kang kanhi Pangulong Rodrigo Duterte.
Sigon ni Trillanes, wala’y kamatu-uran ang pasangil dayong butyag nga gukdon niya ang mga nagpaluyo niini.
Una nang gibutyag sa abogado nga si Atty. Reynold Munsayac Baligod na duna matud pa’y mga kanhi Marines nga naghatud og dakong kantidad sa kwarta nga duna’y kalambigitan sa gika-ingong iregularidad sa mga flood control projects.
