-- ADVERTISEMENT --
BUTUAN CITY- Mingsaka sa career-high nga ika-32 nga pwesto ang Pinay tennis sensation nga si Alex Eala sa live rankings sa Women’s Tennis Association kon WTA karong Pebrero 2026.
Kini human ang iyang impresibong pag-abante sa quarterfinals sa Dubai Tennis Championships pinaagi sa pagpildi sa mga top-ranked players. Nakuha ni Eala kini nga ranggo human gipildi ang mga beteranang players nga sila Sorana Cirstea ug Jasmine Paolini sa Dubai.
Kini usab ang pinakataas nga ranking nga naabot ni Eala sa WTA, kansa nagpakita sa iyang dakong abilidad sa professional tennis. Ang maong kalampusan nagbutang kaniya isip usa sa mga paspas nga misaka nga batan-ong talento sa tennis sa kalibutan.
