BUTUAN CITY – Nagpadayon karun ang ika-tulo nga adlaw sa pinaka-unang gipahigayon dinhe sa siyudad sa Butuan nga Catholic Bishops’ Conference of the Philippines kon CBCP-Episcopal Commission on Family and Life National Conference 2026.
Sigon ni Rev. Fr. Glen Adam Abamonga, tigpamaba sa Diocese of Butuan, gi-organisa sa Episcopal Commission on Family and Life of the Catholic Bishops’ Conference of the Philippines og nahimong host ang Diocese sa Butuan.
Gisugdan kini niadtong Huwebes, Pebrero 19 og matapos ugmang adlawa Pebrero 22 diin kapin sa 600 ka mga partisipante ang milambigit sa maong komperensiya. Gitigom niini mga mga volunteers og directors nga naglihok sa Family and Life Ministry lakip na ang mga bag-ong opisyales sa CBCP sa pagpanguna ni Archbishop Gilbert Garcera.
Tumong matud pa niini nga subling mahatagan og bag-ong kusog nag Family and Life Apostolate diin ang pagtagbo nila magpa-reyalisar nga wala sila nag-inusara sa misyon nga pag-umol sa pamilya.
Importante usab ang maong conference tungod kay duna silay gibuhat nga conversation in the spirit nga gisugdan kaniadto ni Pope Francis.
Kini nga higayon mao ang pagpa-ambit sa ilang kasinatian, og pagpaminaw sa Spiritu Santo nga laumang maghatag kanila og dugang pamaagi sa pag-responde sa panginahanglan karun sa pamilya.
Samtang gipasabot usab ni Fr. Abamonga ang tema sa maong relihiyosong kalihukan nga The Power of Presence: Cultivating a Culture of Love and Accompaniment”.
Sigon niini nga gipangusgan karun ang presensiya diha sa pamilya nga bugkuson sa gugma. Dakong hagit matud pa ang presensiya diha sa pamilya ilabina karun nga digital na.
