BUTUAN CITY – Gipasabot ni House Speaker Faustino “Bojie” Dy III ang kamahinungdanon sa paspas nga pagpapasar sa Magna Carta for Barangays aron hatagan og igong proteksyon ug suporta ang mga opisyal sa barangay nga iyang gi-ila nga tinuod nga mga frontliners sa gobyerno.
Sa pagdungog sa House Committee on Local Government, iyang gisang-at ang House Bill No. 3533 nga nagtinguha nga tas-an ang sweldo ug benepisyo sa mga Punong Barangay, Kagawad, SK officials, ug uban pang kawani sa barangay.
Matud ni Speaker Dy, isip kanhi Barangay Captain, Mayor, ug Gobernador, ang mga opisyal sa barangay mao ang unang duolan sa katawhan panahon sa krisis ug sila usab ang ka-uban sa pagpanguna sa pagpatuman sa kalinaw.
Kung palig-onon ang barangay, mas mabati sa katawhan ang presensya sa gobyerno.
Lakip sa sugyot ang pagsiguro nga adunay maayong barangay hall ug health centers sa matag-komunidad.
Kumpiyansa si Dy nga molusad ang panukala sa 20th Congress alang sa kaayohan sa mga lokal nga lider ubos sa bisyon sa Bagong Pilipinas. “.
