BUTUAN CITY- Giklaro usab ni Atty. Matula nga seryoso ang mga akusasyon batok kang kanhi President Rodrigo Roa Duterte kalabot sa kasong Crimes Against Humanity kansa giatubang niini sa International Criminal Courtkon ICC.
Dugang pa ni Matula nga ang maong krimen usa ka international crime nga dili lamang limitado sa hurisdiksiyon sa Pilipinas, kundili giila sa tibuok kalibutan isip usa ka kalapasan batok sa katawhan.
Gipunting niini, nga ang crimes against humanity ug war crimes gi-ila sa International Humanitarian Law isip universal crimes, diin nagpasabot nga bisan asa kini mahitabo, ang mga opisyal nga responsable kinahanglan manubag.
Sa konteksto sa balaod sa Pilipinas, matud pa ni Matula, kung wala pa’y pormal nga proseso nga nagpadayon sa nasud ug adunay proceeding sa gawas, posible nga isurrender ang usa ka akusado aron makuha ang hurisdiksiyon sa nasud nga nagpasaka sa kaso.
Kini mao usab ang basehan sa aksyon sa ICC sa pag-isyu og warrant of arrest batok kang Duterte aron tubagon niya ang mga akusasyon sa crimes against humanity.
