BUTUAN CITY- Personal nga mingdangop sa Bombo Radyo Butuan ang usa ka amahan aron mangayo og tabang human mawala ang iyang 14-anyos nga anak nga lalaki nga adunay kapansanan nga amang ug bungol.
Sumala ni Nicolas Albealde, amahan ni Jenrex Amora nga taga Purok 1-B Ampayon, Butuan City, sukad alas 9 sa buntag niadtong Sabado wala pa makauli ang iyang anak.
Matud pa niya, adunay nakigsulti kaniya nga nakakita sa bata nga giingon nga gitawag sa usa ka lalaki nga nagsakay og rusi nga motor ug nag-helmet, ug niuban kini sa maong tao.
Gisaysay usab ni Albealde nga gitambagan siya adesir pa ang insidente nga ubanon kini sa iyang trabahoan tungod kay mahiligon kini sa lakaw-lakaw.
Sa miaging mga adlaw, giuban niya ang anak sa galingan diin siya nagtrabaho ug nitabang kini sa iyaha.
Apan kagahapon, tungod kay nisakit ang bukton sa bata, wala kini makauban kaniya.
Pag-uli sa amahan gikan sa trabaho, nakurat siya sa gisulti sa manghod sa bata nga wala na makauli si Jenrex
