BUTUAN CITY- Naglunsad ang Israel og sunod-sunod nga pagbomba sa Lebanon nga nakapatay og duha ka indibidwal, usa ka klarong paglapas sa kasabutan sa ceasefire nga natukod uban sa Hezbollah niadtong Nobyembre 2024.
Ang mga target sa pagpamomba naglakip sa Bekaa Valley ug pipila ka baryo sa habagatang nasud, diin usa ka warehouse sa Khirbet Selm ang nagrabehan kansa nakapatay og usa ug nakasamad sa lain pa.
Sa laing dapit sa Derdghaya, usa ka magtutudlo nga giilang si Mohammed al-Hussayni ang namatay sa laing pagbomba.
Sumala sa Israeli Military, nga ilang gitarhet ang gituohang “weapons manufacturing site” sa Hezbollah, apan wala kini gipamatud-an.
Ang insidente nagpalalom sa kahadlok sa mas dako nga opensiba aron disarmahon ang grupo, samtang nagpabilin ang tensyon sa rehiyon ug posibleng pag-apil sa US ug Israel batok sa Iran, diin giila nga kaalyado sa Hezbollah.
Bisan pa sa ceasefire, padayon ang okupasyon sa Israel sa 5-point teritory sa Lebanon ug gipugngan ang reconstruction sa mga baryo sa utlanan, samtang ang gobyerno sa Lebanon nagpadayon sa plano sa pag-disarma sa grupo sa lain-laing yugto sa nasud.
