BUTUAN CITY- Nakuratan matud pa si Presidente Ferdinand “Bongbong” Marcos Jr. sa pagkalambigit ug pagsurender ni kanhi senador Bong Revilla sumala sa Malacanang, apan klaro gihapon ang baruganan sa Pangulo nga walay makalusot sa imbestigasyon bisan pa kaalyado, ilabi na sa mga anomalya sa flood control projects.
Kalabot sa kaso ni Revilla, giingon ni Castro nga nakuratan ang Pangulo tungod kay kaalyado kini ug apil pa sa iyang tiket sa miaging eleksyon.
Apan gipunting gihapon ni Marcos nga bisan kaalyado, kung adunay basehan, kinahanglan imbestigahan.
Si Revilla misurender sa Philippine National Police (PNP) niadtong Lunes sa gabii, Enero 19, human sa pagpagawas sa warrant of arrest sa Sandiganbayan Third Division.
Ang kaso may kalabutan sa malversation pinaagi sa falsification of public documents nga giingong konektado sa iregularidad sa usa ka flood control project sa Pandi, Bulacan.
Samtang dugang pa ni Castro nga wala mabalaka ug kompsyansa si President Bongbong batok sa impeachment nga gipasaka sa iyaha kini tungod kay wala matud pa kiniy gibuhat nga impeachable offense
