BUTUAN CITY- Wala nay kredibilidad ang nahimong resulta sa Senate Blue Ribbon Committee niadtong Enero 19, 2026.
Sumala ni Jeffrey “Ka Eric” Celiz, Secretary General sa Bangon Sambayanan, nga daghang panghitabo ang kinahanglan pa nga ipasabut ug tul-irn, apan klaro na sa katawhan nga gipugos lang matud pa nila Senate President Pro Tempore ug Chairman sa Senate Blue Ribbon Committee Panfilo “Ping” Lacson ug Senate President Vicente “Tito” Sotto III ang pagpadayon sa imbestigasyon bahin sa iskandalo sa korapsyon nga gikalambigit sa administrasyon ni President Ferdinand Marcos Jr. ug sa iyang ig-agaw nga si kanhi House Speaker Martin Romualdez.
Sigon pa ni Caliz, nga daw wala nay kredibilidad ang komite ingon man nag Indipendent Commission for Infrastructure kon ICI tungod kay wala nila gipatawag si Romualdez ug si Zaldy Co aron motistigo, samtang pugsanon nga gipa-angkon ang mga kontrobersiya sa mga Discaya bisan pa nga mas bug-at ang testimonya ni Orly Guteza ug Zaldy Co nga nag-ingon nga adunay mga delivery sa bilyon-bilyong pondo sa Forbes Park ug McKinley Road.
Matod pa niini, nga ang gimik sa komite nga magpakita og mga testigo nga wala’y lig-on nga ebidensya mas nakapalig-on pa sa pamahayag ni Zaldy Co nga si Romualdez ug Marcos Jr. naggamit sa Forbes Park isip drop-off point sa kwarta gikan sa mga proyekto sa Bulacan nga nagkantidad og P52 bilyon.
Dugang pa ni Ka Eric, nga sa maong hearing daw minggawas nga gustong putlon nila Ping Lacson ang pagkalambigit o connection sa Forbes Park Kang President Marcos, inay minghimo og mga sitwasyon aron malihis ang isyu kang Romualdez ug Marcos.
Gipunting usab niini, nga sukad mingmani-ubra ang duha ka senador nawala na ang kredibilidad sa Committee kansa nagpanalipod kang Marcos ug Romualdez, samtang gi-ingon usab nga mas bug-at ang pamahayag ni Sgt. Orly Guteza ug Zaldy Co nga naglambigit sa bilyon-bilyong delivery sa Forbes Park ug McKinley Road.
Gipadayag usab ni Celiz, nga ang Golden Pheasant Holdings Corporation, nga gioperahan ni Atty. Jose Raulito Paras inay fraternity brother ni Romualdez diin maoy nagfacilitate sa transaksyon sa Camarines Street, apan wala kini gipublikar sa komite.
