BUTUAN CITY- Nagpahimangno ang mga lider sa Europa batok sa plano ni United States Presidente Donald Trump nga mopahamtang og mga taripa ug sanction sa pipila ka nasud nga mingsupak sa iyang pag-angkon sa Greenland, usa ka teritoryo sa Denmark.
Ang hulga nagduso sa emerhensiyang miting sa European Union kon EU ambassadors sa Brussels samtang gatusan ka Greenlanders nagprotesta sa Nuuk.
Gibutyag usab ni Lars Lokke Rasmussen, Foreign Minister sa Denmark nga ang taripa makadaot sa transatlantic alliance ug naghatag og bentaha sa China ug Russia.
Si French President Emmanuel Macron mitawag sa hulga nga “unacceptable,” samtang si UK Prime Minister Keir Starmer ug Italian Prime Minister Giorgia Meloni misupak usab sa plano.
Ang European Parliament nagpasidaan nga ang maong lakang makapahuyang sa NATO ug makapahimuot kang Vladimir Putin.
Sumala sa mga eksperto nga dili kinahanglan nga ang US makapanag-iya sa Greenland aron mapalig-on ang depensa sa Arctic tungod sa kasabotan sa 1951 nga nagtugot sa Amerika sa pagtukod og base militar sa isla.
