BUTUAN CITY- Niabot sa rank 73 sa tibuok kalibutan ang Philippine passport kansa duha ka posisyon nga pagsaka kumpara sa mi-aging tuig.
Sumala sa Henley Passport Index (HPI), ang mga Filipino passport holders adunay visa-free access sa 64 ka mga nasud, apan kini usa ka three-point decline gikan sa mi-aging tuig.
Nagpabilin nga pinakakusog ang Singapore passport nga adunay access sa 192 ka nasud, gisundan sa Japan ug South Korea nga adunay 188 ka nasud.
Ang Denmark, Luxembourg, Spain, Sweden ug Switzerland anaa sa ikatulong puwesto, nga adunay visa-free access sa 186 ka mga nasud, samtang ang Austria, Belgium, Finland, France, Germany, Greece, Ireland, Italy, Netherlands ug Norway anaa sa ika-upat nga puwesto nga adunay 185 ka nasud.
Sa Henley Openness Index, ang Pilipinas nakab-ot sa ika-16 nga ranggo globally, nga naghatag og visa-free entry sa 81.31% sa nationalities sa kalibutan, bisan pa nga limitado gihapon ang access sa mga Pilipino tungod kay 28.63% ra sa global destinations ang visa-free para kanila.
