BUTUAN CITY- Gipatuman nga No Sail Policy sa Coast Guard alang sa tanang sakyang pandagat sa Surigao Del Norte, subay sa advisory gikan sa PAG-ASA diin asa ang Surigao del Norte gi-isa sa Signal No. 1 tungod sa Bagyong Ada.
Sumala ni ENS Roy Christopher Orillaneda, Station Commander sa Coast Guard Station Surigao del Norte, nga ang maong madato nunot sa ilang nadawat nga Sea Travel Advisory No.1 o ang NHQ-PCG/CG8 Memorandum Circular Nr 02-23 diin temporaryong gisuspinde ang tanang biyahe sa mga sakyang pandagat gikan sa mainland Surigao del Norte paingon sa mga lugar nga naapektuhan sa Tropical Depression ADA sama sa Siargao, Cebu, Southern Leyte, Sorsogon, Bucas Grande ug Dinagat Island, human gipahibalo sa PAGASA ang pagtaas sa Tropical Cyclone Wind Signal No. 1.
Sigon pa sa Station Commander, nga taliwala paman niana aduna gihapoy pagtugot sa limitadong paglayag sa mga RoRo vessels apan adunay sundon nga mga istriktong kondisyon sama sa dili pagdala og pasahero gawas sa mga drayber sa rolling cargo, walay delikadong kargamento, 300 gross tonnage pataas, ug biyahe lang sulod sa adlaw nga adunay maayong kahimtang sa dagat ug panahon, aron malikayan ang pagka-delay sa mga suplay ug mapadayon ang siguridad sa dagat.
Dugang pa ni Orillaneda, nga dakong tabang ang advisory gikan sa PAG-ASA diin asa diha usab sila magkuha og basehan sa pagpatoman og polisiya gawas sa mga personal judgment sa field personnel.
Gibutyag usab niini, nga base sa report kagahon sa alas 6 sa gabie, mingkabat na ngadto sa kapin 473 ka mga pasahero ang nastranded ug 146 ka rolling cargos.
Subay niini, sigon ni Orillaneda, nga bisan paman mobase sila sa PAG-ASA kung kuhaon na nila ang Signal no.1, tan-awon gihapon nila ang actual bases sa mga Field personnel kung angay naba nga magpakampante.
Gani aduna usab matud pay higayon nga mingdiklara na ang PAG-ASA apan ang palibot nagpabilin pa sa peligro hinungdan nga adunay delay sa pagpaimplement sa ubang advisories. Gitin-aw usab niini, nga ang maong lakang subay ra usab sa kaluwasan sa katawhan ngadto sa kadagatan.
