BUTUAN CITY- Giskwestyon sa abogado ni negosyanteng Charlie “Atong” Ang ang gipagawas nga warrant of arrest sa Regional Trial Court sa Sta. Cruz, Laguna kalabot sa kaso sa mga missing sabungero.
Sumala ni Atty. Gabriel Villarreal, ang desisyon “premature” ug “legally questionable” tungod nakabase lang matud pa kini sa dili kumpleto nga impormasyon gikan sa Department of Justice kon DOJ.
Pag-insistar niini, nga gisupak sa korte ang katungod ni Ang tungod wala gilakip ang counter affidavits ug ebidensiyang pabor sa mga akusado.
“Clearly, the court merely acted on the incomplete information provided by the Department of Justice (DOJ) in its determination of probable cause, without the counter affidavits and exculpatory evidence of the respondents, including Mr. Ang,” sigon ni Villarreal.
Dugang pa ni Villareal, nga subling ang testimonya ni Julie “Dondon” Patidongan ang gigamit sa DOJ, kansa daw tinuod nga mastermind sa krimen.
Gisiguro sa abugado nga respituhon ni Ang ang proseso sa korte apan gamiton matud pa nila ang tanang legal remedies aron kwestyon ang arrest order.
Gibarugan usab ni Villareal nga walay pisikal nga ebidensya batok kang Ang ug ang kaso gitukod sa pagdali-dali ug pagpihig sa DOJ.
