BUTUAN CITY – Mikusog karon ang hugon-hugon nga mukanaug na isip House Speaker si Martin Romualdez karong adlawa, Mierkules, ug gika-ingong muhulip kaniya si Isabela Rep. Faustino Dy III.
Kagahapon, gisuspende ang session, 30 minutos human kini gisugdan tungod sa mga hungihung nga paglahugay sa liderato sa Kamara. Kagabii, nakuhaan og video ingon man litrato ang paghakot sa desk name plate, ug mga gamit ni Romualdez pagawas sa opisina niini. Adunay mga hungihong nga mukanaog na isip speaker si Romualdez ug posibleng hulipan kini ni Rep. Toby Tiangco o kaha ni Rep. Faustino Dy III.
Lakip sa mga gipili-ang mupuli kang Romualdez sila Rep. Ronnie Puno, Rep. Albert Garcia sa National Unity Party ug Rep. Jay-jay Suarez sa Lakas-CMD. Si Dy ang usa sa mga nakitang mas stabilizing figure nga mohulip kang Romualdez ug duna:y kapasidad nga ibalik niini ang pagsalig sa katawhan ngadto sa kamara.
Duna usab kini taas nga kasinatian sa politika diin adiser nahimong deputy speaker sa kasamtangan, nahimo pa kining Mayor, Gobernador, ingon man Bise Gobernador. Anaa usab sa balaod ng in kaso og mabakante ang lingkuranan sa House Speaker, mamahimong makapili ang mga Deputy Speakers kung si kinsa kanila ang mopuli, lagmit ang seniority ug kalayo ni Dy sa mga isyu ang magtukmod nga ituboy kini hulip kang Martin Romualdez.
