BUTUAN CITY – Naghilak nga midangop dinhi sa sibyahan sa Bombo Radyo ang usa ka single mom aron magpatabang niadtong duna’y malumo nga kasing-kasing nga makatunol kaniya og ginagmay man lang nga salaping cash aron matambalan ang duha niya ka mga anak nga duna’y pulmonia.
Sa saysay ni Irish Macaundag, residente sa Brgy San Mateo ning siyudad sa Butuan, duha ka adlaw nang na-admit sa Butuan Medical Center kon BMC ang iyang mga anak nga dos ug singko-anyos tungod sa balik-balik nga hilanat nga hatud sa pulmonia.
Wala pa kini madapati og tambal ilabina sa gikinahanglan nilang antibiotic tungod sa kawala niya’y kwarta kondiin bisan pagpallit og tubig ug iyang makaon, wala’y iyang magasto.
Ang mas niyang gikadismaya tungod kay bisan sa ginagmay nga mga panginahanglan alang sa dextrose sama sa plaster, apil na sa gipapalit kaniya sa gawas.
Misulay matud pa siya pagpangutang sa parmasya sa gawas nga bahin sa ospital, apan wala siya pa-utanga rason nga naka-abot siya dinhi sa sibyahan sa pagpangyo og tabang.
Midangop na usab siya sa ilang barangay office aron mangayo bisan og ginagmay lang apan wala’y nakatunol kaniya bisan piso. Emosyunal kining nanawagan niadtong duna’y ikatunol kaniya nga anhaon lang siya sa BMC aron madali na sa pagpatambal ang iyang mga anak.
