BUTUAN CITY – Walo ka miyembro sa rebeldeng grupong New People’s Army (NPA) ang napatay sa duha ka engkuwentro batok sa kasundalohan sa kabukiran sa Barangay San Isidro, Las Navas, Northern Samar niadtong Huwebes, Agosto 1, 2025.
Sigon ni Major Jefferson Mariano, hepe sa Public Affairs Division sa 8th Infantry Division, Philippine Army, natigayon ang unang engkwentro pasado alas-4:00 sa kaadlawon human mi-report ang mga residente sa presensya sa armadong grupo nga nangilkil ug nanghadlok sa mga lokal nga mag-uuma nga miresulta sa pagkamatay sa pito ka mga rebelde ug pagkarekober sa lima ka M16 armalite rifles, 1 ka R4 rifle, ug 1 ka M203 grenade launcher.
Samtang ang ikaduhang engkuwentro, natigayon pasado alas-10:00 sa buntag samtang nanagan ang nahibiling mga rebelde kondiin usa ang napatay.
