BUTUAN CITY – Laing tamparos na usab alang sa rebeldeng grupong New People’s Army kon NPA ang ilang natilawan gikan sa 4th Infantry (Diamond) Division human nga usa sa ilang membro ang patay ug walo usab ka mga high-powered firearms ang nakumpiska sa sunod-sunod na pagkadiskubre sa mga arms cache discovery ug engkwentro sa mga lalawigan sa Surigao del Sur ug sa Bukidnon.
Ning mi-aging adlaw, ang mga sakop sa 75th Infantry Battalion ilawom sa 401st Infantry Brigade, nakadiskubre og usa ka arms cache sa bisinidad sa Tinindakan, Sitio Panukmuan, Brgy. Diatagon, lungsod sa Lianga, Surigao del Sur, human ang impormasyong gihatag sa usa ka kanhi rebelde. Mi-abot sa usa ka AK47 rifles uban sa mga steel magazines ug mga buhing bala ang narekober sa maong operasyon.
Samtang niadtong Abril 27, na-engkwentro sa 28th Infantry Battalion ang mga rebelde sa Malitbog, Bukidnon nga misangpot sa kamatayon sa usa ka myembro nga nailhan nga si Joel Balos Dalunhay ug pagkabawi sa armas ug mga suplay.
Kagahapong adlawa usab, nadiskubre usab sa 3rd Special Forces Battalion ang laing arms cache sa Barangay San Isidro, Lianga, human gitug-an sa tulo ka kanhi rebelde.
