BUTUAN CITY – Kapin na sa ₱70M ang natalang damyos sa mga pagbaha tungod sa tulo ka mga adlaw na nga pag-ulan nga hatud sa shearline ug easterlies dinhi sa Caraga Region. kondiin apil niini ang ₱64,000,000.00 nga damyos sa agrikultura tungod sa kalapad sa mga basakan ug pananom nga nabahaan ingon man ₱4,700,000.00 sa imprastraktura tungod sa mga tulay ug kadalanan nga nabahaan.
Sa eksklusibong pakighinabi sa Bombo Radyo Butuan, gipadayag ni Carlo Boneto Becera, ang information officer III sa Office of the Civil Defense kon OCD-Caraga, as of alas-sais kaganinang buntag, mi-abot na sa 13,218 ka mga pamilya ang apektado sa daut nga panahon kans abugti sa 48-mil ka mga indibidwal.
Naggikan kini sila sa 58 ka mga apektadong barangay sa Agusan del Sur, Agusan del Norte, Surigao del Sur ug Surigao del Norte. Sa pagkakaron, rainfall advisory na lang ang ilang gipagawas tungod sa paghinay na sa epekto sa maong daut nga panahon.
Tungod niini, nanghatag na og inisyal nga ayuda ang Department of Social Welfare and Development kon DSWD ngadto sa mga apektadong lungsod.
Wala na usa’y kabalak-an sa mga nagbiyahe sa sulod ug gawas nga bahin sa Caraga Region tungod kay passable na ang tanang kadalanan ning rehiyon nga unang nalunupan sa mga tubig-baha.
Tungod matud pa sa nagtunhay nga easterlies, la-uman pa gihapon ang mga pag-ulan hangtud sa musunod pa nga mga adlaw.
