BUTUAN CITY – Nailhan na ang lalaking napalgan sa lawod sa Jabonga nga wala nay kinabuhi, ug sa gidala sa Bgy. Lawigan, Tubay, Agusan del Norte ning sayong takna sa gabie, Pebrero 24, 2025.
Naila ang maong lalaki nga si Junnie Bolambot, minyo, ug taga Bgy. Sto. Niño, Jabonga, Agusan del Norte.
Sumala sa Kapitan sa Bgy. Lawigan nga si Enrico Papa, nakit-an matud pa sa mga mananagat nga taga Bgy. Binuwangan sa susamang lungsod ang pumpboat sa mananagat nga nag-andar, apan wala’y tawo, rason nga ila kining gisusi.
Sa dihang nakit-an, nagluko na ang mananagat likod sa makina niini nga daw nagpainit sa iyahang lawas, apan wala na kini kinabuhi ug paunlod na ang iyahang gisakyan tungod kay na tanggal naman ang buliboy sa kasko sa pumpboat.
Sumala sa igsoon sa biktima nga gihilantan matud pa kini dihang nanagat.
Sa kasmatangan, anaa na sa mga kamot sa iyahang kabanay ang nahisgutang mananagat alang sa pagpahiluna niini.
